ابيات شعرية أصبحت مضرب للأمثال

20-12-2008, 01:52 AM

اسعد الله اوقاتكمـ

:

:

ابيات شعريه لكبار الشعراء

لروعتها ولجمالها ولما لها من معاني راقيه اصبحت مضرب للأمثال

ونقلتها لكم واتمنى ان تنال على اعجابكم

يقول ابن رشيد

..

ما يشتكي ياحسين كود الرديين
والا تـرى الطيـب وسيـع بطـانـه

ويقول محمد الأحمد السديري

..

لعل قصر ما يجي لـه ظلالـي
ينهد من عالي مبانيه للساس

ويقول بن سجوان

..

يمنـا بـلا يـسـرى تـراهـا ضعيـفـه
ورجل بلا ربع على الغبن صبار

ويقول خضير الصعيليك

..

لله يعدلها عن الضلع والميل
والا يميلها علـى النـاس مـره

ويقول عبيد بن رشيد

..

اضرب على الكايد الى صرت بحلان
وعنـد الولـي وصـل الرشـا وانقطـاعـه

ويقول عبدالله اللويحان

..

الحنضله لو هي على شاطي النيل
زادت مـرارتـهــا الـقـديـمـة مــــراره

ويقول محمد المنصور

..

خوينـا مـا نصلبـه بالمصالـيـب
ولا يشتكي منا الجفا والعزاري

ويقول عبيد بن رشيد

..

خوينا لو هو من الجد بصليب
متعـلـق مـنـا بــراس السـنـامـي

ويقول مريبد العـدواني

..

النوم رأس اللـوم بـان الـردى بـه
واللي يبي الطولات نومه شلافيح

ويقول شـالح بن هدلان

..

من حل دار الناس حلّوا دياره
لابـد مــا تسـكـن ديــاره ويغـبـن

ويقول محمد الأحمد السـديري

..

ليا خاب ظنك بالرفيق الموالي
ما لك مشاريهٍ على نايـد النـاس

ويقول .. راكان بن حثلين ..

..

ماقل ودل و****ـدة الهـرج نيشـان
والهرج يكفي صامله عن كثيره..

ويقول.. الشاعر حميدان الشويعر ..

..

النـعـمـه خـمــر جــيــاش
مايملكـهـا كـــود الـوثـقـه
والجوع خديديم اجواد
ودك يـاطــا كــــل زنــقــه

ويقول .. ************ محمد بن سعود ( غزالان )..

..

الزيـن مـا يدقـم شبـاة السنانـي
والشين ما يقصـر يديـن يطولـن
الى اجتمع زينٍ وفعل اليماني
لـــذة نـعـيـمٍ فالـعـمـر لا تـوافــن

ويقول .. يقول مفضي الشمري

..

الطيب لو هو من ابعد الناس ينفعك
يصـيـر لـــك عـنــد الـلــوازم سـنــادي
ولا الردي لو هو من الادنين يقطعك
يــعــل وجــهــه لـلـفـنـى والــســـوادي

ويقول .. طلال العبد العزيز الرشيد

..

لو حسب لسوس زراع القصب
مازرعـنـا يــا العصافـيـر الشـعـيـر

ويقول شيخ مشايخ بني وايل (مشعان بن هذال)

..

ترا لذه الدنيا معاميل وفـراش
وصنية يركض بها العبد مسعود

ويقول.. بركات الشريف

..

رافق أصيـل فـى زمانـك يشاكيـك
لا شاف خملاتك عن الناس غطاك

ويقول .. راكان بن حثلين

..

يا ما حلا الفنجال مع سيحة البال
فــي مجـلـس مـابـه نـفـوس ثقـيـلـه

ويقول.. بركات الشريف

..

مخطاك ماصابك ولـو كـان ناصيـك
واللي مصيبك لو تتقيت ما اخطاك

ويقول .. خضير الصعليك الاسلمي

..

احد عشاه البر ومفطـح الحيـل
واحدٍ عصيده يلعط الكبد حره

ويقول.. عبيد العلي الرشيد

..

ربعي لقوبي عقب شيبي عذاريب
قالـوا علـى سـاقـة خـويـه يحـامـي
قلت ان هذا من قديـم بنـا عيـب
مستارثيـنـه مــن خــوال وعمـامـي

ويقول .. الجرباء
..

الحر لاصكت عليه المغاليب
مجبور عن دار المذله ينزي